Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. effare; iussas cum fide poenas luam,
  2. paratus expiare, seu poposceris
  3. centum iuvencos sive mendaci lyra
  4. voles sonare: “tu pudica, tu proba
  5. perambulabis astra sidus aureum.”
  6. infamis Helenae Castor offensus vice
  7. fraterque magni Castoris, victi prece,
  8. adempta vati reddidere lumina:
  9. et tu, potes nam, solve me dementia,
  10. o nec paternis obsoleta sordibus
  11. neque in sepulcris pauperum prudens anus
  12. novendialis dissipare pulveres.
  13. tibi hospitale pectus et purae manus
  14. tuosque venter Pactumeius et tuo
  15. cruore rubros obstetrix pannos lavit,
  16. utcumque fortis exsilis puerpera.”
  17. “quid obseratis auribus fundis preces?
  18. non saxa nudis surdiora navitis
  19. Neptunus alto tundit hibernus salo.
  20. inultus ut tu riseris Cotytia