Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. quid amplius vis? o mare et terra, ardeo,
  2. quantum neque atro delibutus Hercules
  3. Nessi cruore nec Sicana fervida
  4. virens in Aetna flamma; tu, donec cinis
  5. iniuriosis aridus ventis ferar,
  6. cales venenis officina Colchicis.
  7. quae finis aut quod me manet stipendium?
  8. effare; iussas cum fide poenas luam,
  9. paratus expiare, seu poposceris
  10. centum iuvencos sive mendaci lyra
  11. voles sonare: “tu pudica, tu proba
  12. perambulabis astra sidus aureum.”
  13. infamis Helenae Castor offensus vice