Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. pluraque felices mirabimur, ut neque largis
  2. aquosus Eurus arva radat imbribus,
  3. pinguia nec siccis urantur semina glaebis,
  4. utrumque rege temperante caelitum.
  5. non huc Argoo contendit remige pinus
  6. neque inpudica Colchis intulit pedem,
  7. non huc Sidonii torserunt cornua nautae,
  8. laboriosa nec cohors Vlixei.