Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. cum tu, magnorum numen laesura deorum,
  2. in verba iurabas mea,
  3. artius atque hedera procera adstringitur ilex
  4. lentis adhaerens bracchiis;
  5. dum pecori lupus et nautis infestus Orion
  6. turbaret hibernum mare
  7. intonsosque agitaret Apollinis aura capillos,
  8. fore hunc amorem mutuom,
  9. o dolitura mea multum virtute Neaera:
  10. nam siquid in Flacco viri est,
  11. non feret adsiduas potiori te dare noctes
  12. et quaeret iratus parem
  13. nec semel offensi cedet constantia formae,