Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. ureris ipse miser: quodsi non pulcrior ignis
  2. accendit obsessam Ilion,
  3. gaude sorte tua; me libertina, nec uno
  4. contenta, Phryne macerat.
  1. Nox erat et caelo fulgebat Luna sereno
  2. inter minora sidera,
  3. cum tu, magnorum numen laesura deorum,
  4. in verba iurabas mea,
  5. artius atque hedera procera adstringitur ilex
  6. lentis adhaerens bracchiis;
  7. dum pecori lupus et nautis infestus Orion
  8. turbaret hibernum mare
  9. intonsosque agitaret Apollinis aura capillos,
  10. fore hunc amorem mutuom,
  11. o dolitura mea multum virtute Neaera:
  12. nam siquid in Flacco viri est,
  13. non feret adsiduas potiori te dare noctes
  14. et quaeret iratus parem