Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. mittis nec firmo iuveni neque naris obesae?
  2. namque sagacius unus odoror,
  3. polypus an gravis hirsutis cubet hircus in alis
  4. quam canis acer ubi lateat sus.
  5. qui sudor vietis et quam malus undique membris
  6. crescit odor, cum pene Soluto
  7. indomitam properat rabiem sedare, neque illi
  8. iam manet umida creta colorque
  9. stercore fucatus crocodili iamque Subando
  10. tenta cubilia tectaque rumpit.
  11. vel mea cum saevis agitat fastidia verbis:
  12. “Inachia langues minus ac me;
  13. Inachiam ter nocte potes, mihi Semper ad unum
  14. mollis opus. pereat male quae te
  15. Lesbia quaerenti taurum monstravit inertem.
  16. cum mihi Cous adesset Amyntas,
  17. cuius in indomito constantior inguine nervos
  18. quam nova collibus arbor inhaeret.