Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. muricibus Tyriis iteratae vellera lanae
  2. cui properabantur? tibi nempe,
  3. ne foret aequalis inter conviva, magis quem
  4. diligeret mulier sua quam te.
  5. o ego non felix, quam tu fugis, ut pavet acris
  6. agna lupos capreaeque leones!”
  1. Horrida tempestas caelum contraxit et imbres
  2. nivesque deducunt Iovem; nunc mare, nunc siluae
  3. Threicio Aquilone sonant. rapiamus, amici,
  4. Occasionem de die dumque virent genua
  5. et decet, obducta solvatur fronte senectus.
  6. tu vina Torquato move consule pressa meo.
  7. cetera mitte loqui: deus haec fortasse benigna
  8. reducet in sedem vice. nunc et Achaemenio
  9. perfundi nardo iuvat et fide Cyllenea
  10. levare diris pectora Sollicitudinibus,
  11. nobilis ut grandi cecinit Centaurus alumno:
  12. “invicte, mortalis dea nate puer Thetide,
  13. te manet Assaraci tellus, quam frigida parvi
  14. findunt Scamandri flumina lubricus et Simois,