Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. Inachiam ter nocte potes, mihi Semper ad unum
  2. mollis opus. pereat male quae te
  3. Lesbia quaerenti taurum monstravit inertem.
  4. cum mihi Cous adesset Amyntas,
  5. cuius in indomito constantior inguine nervos
  6. quam nova collibus arbor inhaeret.
  7. muricibus Tyriis iteratae vellera lanae
  8. cui properabantur? tibi nempe,
  9. ne foret aequalis inter conviva, magis quem
  10. diligeret mulier sua quam te.
  11. o ego non felix, quam tu fugis, ut pavet acris
  12. agna lupos capreaeque leones!”
  1. Horrida tempestas caelum contraxit et imbres
  2. nivesque deducunt Iovem; nunc mare, nunc siluae
  3. Threicio Aquilone sonant. rapiamus, amici,
  4. Occasionem de die dumque virent genua