Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  1. clarum Tyndaridae sidus ab infimis
  2. quassas eripiunt aequoribus ratis,
  3. ornatus viridi tempora pampino
  4. Liber vota bonos ducit ad exitus.
  • Ne forte credas interitura quae
  • longe sonantem natus ad Aufidum
  • non ante volgatas per artis
  • verba loquor socianda chordis:
  • non, si priores Maeonius tenet
  • sedes Homerus, Pindaricae latent
  • Ceaeque et Alcaei minaces
  • Stesichorique graves Camenae
  • nec siquid olim lusit Anacreon
  • delevit aetas; spirat adhuc amor
  • vivuntque conmissi calores
  • Aeoliae fidibus puellae.
  • non sola comptos arsit adulteri
  • crinis et aurum vestibus inlitum
  • mirata regalisque cultus
  • et comites Helene Lacaena