Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

cum per obstantis iuvenum catervas

ibit insignem repetens Nearchum:

grande certamen, tibi praeda cedat,

maior an illa.

interim, dum tu celeres sagittas

promis, haec dentis acuit timendos,

arbiter pugnae posuisse nudo

sub pede palmam

fertur et leni recreare vento

sparsum odoratis umerum capillis,

qualis aut Nireus fuit aut aquosa

raptus ab Ida.

O nata mecum consule Manlio,

seu tu querellas sive geris iocos

seu rixam et insanos amores

seu facilem, pia testa, somnum,