Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • i pete unguentum, puer, et coronas
  • et cadum Marsi memorem duelli,
  • Spartacum siqua potuit vagantem
  • fallere testa.
  • dic et argutae properet Neaerae
  • murreum nodo cohibere crinem;
  • si per invisum mora ianitorem
  • fiet, abito.
  • lenit albescens animos capillus
  • litium et rixae cupidos protervae;
  • non ego hoc ferrem calidus iuventa
  • consule Planco.
  • Uxor pauperis Ibyci,
  • tandem nequitiae fige modum tuae
  • famosisque laboribus;
  • maturo propior desine funeri
  • inter ludere virgines
  • et stellis nebulam spargere candidis.
  • non, siquid Pholoen, satis
  • et te, Chlori, decet: filia rectius