Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • crescit occulto velut arbor aevo
  • fama Marcelli; micat inter omnis
  • Iulium sidus velut inter ignis
  • luna minores.
  • gentis humanae pater atque custos,
  • orte Saturno, tibi cura magni
  • Caesaris fatis data: tu secundo
  • Caesare regnes.
  • ille seu Parthos Latio imminentis
  • egerit iusto domitos triumpho
  • sive subiectos Orientis orae
  • Seras et Indos,
  • te minor latum reget aequos orbem:
  • tu gravi curru quaties Olympum,
  • tu parum castis inimica mittes
  • fulmina lucis.
    1. Cum tu, Lydia, Telephi
    2. cervicem roseam, cerea Telephi
    3. laudas bracchia, vae, meum
    4. fervens difficili bile tumet iecur.