Historiarum Alexandri Magni

Curtius Rufus, Quintus

Curtius Rufus, Quintus, creator; Hedicke, Edmund, editor

Dextra laevaque regem ducenti ferme nobilissimi propinquorum comitabantur. Horum agmen claudebatur triginta milibus peditum, quos equi regis CCCC sequebantur.

Intervallo deinde unius stadii matrem Darei, Sisigam-

p.12

bim, currus vehebat, et in alio erat coniunx. Turba feminarum reginas comitantium equis vectabatur.

Quindecim deinde, quas armamaxas appellabant, sequebantur: in his erant liberi regis et, quae educabant eos,