Res Rustica

Columella, Lucius Junius Moderatus

Columella. On agriculture, Volume 1-2. Ash, Harrison Boyd; Foster, Edward Seymour; Heffner, Edward H., editors. Cambridge, MA; London: Harvard University Press; William Heinemann, Ltd., 1941.

quamdiu feminas implere potuerint. Nam rarior est in his avibus mariti bonitas. Eodem quoque tempore [*](infricatur c: infricantur Aa: infriantur S. ) [*](cohortibus aqua potatur ac: cohortibus fuit aqua SA. ) [*](ordeo triticeo ac: hordeo tritico A: hordeo trittico S. ) [*](post servetur add. ne SA. ) [*](ut om. SA. ) [*](itemque aut parum S. ) [*](parum bonae om. SA. ) [*](velut mares ac: vel mane SA. ) [*]( atque etiam calcare om. SA: atque calcare a: aut etiam calcare c. )

v.2.p.356

cum parere desinent aves, id est, ab idibus Novembribus pretiosiores cibi subtrahendi sunt, et vinacea praebenda, quae satis commode pascunt, adiectis interdum tritici excrementis.

Ovorum quoque longioris temporis custodia non aliena est huic curae: quae commode servantur per hiemem, si paleis obruas, aestate, si furfuribus. Quidam prius trito sale sex horis adoperiunt: deinde eluunt, atque ita paleis aut furfuribus obruunt. Nonnulli solida, multi etiam fresa faba coaggerant: alii salibus integris adoperiunt: alii muria tepefacta durant.

Sed omnis sal,[*]()quemadmodum non patitur putrescere, ita minuit ova, nec sinit plena permanere: quae res ementem deferret. Itaque ne in muriam quidem qui demittunt, integritatem ovorum conservant.