Res Rustica

taleas et ramos [*]()primo vere,[*]()antequam[*]()germinent[*]()arbores,deponito: ac ne tinea molesta sit seminibus ficulneis, in imum scrobem lentisci taleam inverso cacumine demittito. Ficum frigoribus ne serito. Loca aprica, calculosa, glareosa, interdum et saxeta amat. Eiusmodi arbor cito convalescit, si scrobes amplos patentesque feceris.

Ficorum genera,[*]()etsi sapore atque habitu distant, uno modo, sed pro differentia agri seruntur. Locis frigidis et autumni temporibus [*]()aquosis praecoques ponito ut ante pluviam fructum deligas: locis calidis hibernas serito. At [*]()si voles ficum quamvis non natura seram facere, tunc grossulos, prioremve fructum decutito,[*]()ita alterum edet,[*]()quem in hiemem [*]()differet. Non nunquam etiam, cum frondere [*]()coeperint arbores, cacumina fici ferro summa prodest amputare: sic firmiores arbores et feraciores sunt; ac semper conveniet, simulatque folia agere coeperit ficus, rubricam amurca [*]()diluere, et cum stercore humano ad radicem infundere.