Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. supplicium, votisque deos venerabere seris.
  2. Nam mihi parta quies, omnisque in limine portus;
  3. funere felici spolior. Nec plura locutus
  4. saepsit se tectis rerumque reliquit habenas.
  5. Mos erat Hesperio in Latio, quem protinus urbes
  6. Albanae coluere sacrum nunc maxima rerum
  7. Roma colit, cum prima movent in proelia Martem,
  8. sive Getis inferre manu lacrimabile bellum
  9. Hyrcanisve Arabisve parant seu tendere ad Indos
  10. Auroramque sequi Parthosque reposcere signa.
  11. Sunt geminae belli portae (sic nomine dicunt)
  12. religione sacrae et saevi formidine Martis;
  13. centum aerei claudunt vectes aeternaque ferri
  14. robora, nec custos absistit limine Ianus:
  15. has, ubi certa sedet patribus sententia pugnae,
  16. ipse Quirinali trabea cinctuque Gabino
  17. insignis reserat stridentia limina consul,