Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. litore diductas angusto interluit aestu.
  2. Dextrum Scylla latus, laevum implacata Charybdis
  3. obsidet, atque imo barathri ter gurgite vastos
  4. sorbet in abruptum fluctus, rursusque sub auras
  5. erigit alternos et sidera verberat unda.
  6. At Scyllam caecis cohibet spelunca latebris,
  7. ora exsertantem et navis in saxa trahentem.
  8. Prima hominis facies et pulchro pectore virgo
  9. pube tenus, postrema immani corpore pristis,
  10. delphinum caudas utero commissa luporum.
  11. Praestat Trinacrii metas lustrare Pachyni
  12. cessantem, longos et circumflectere cursus,
  13. quam semel informem vasto vidisse sub antro
  14. Scyllam, et caeruleis canibus resonantia saxa.
  15. Praeterea, si qua est Heleno prudentia, vati
  16. si qua fides, animum si veris implet Apollo,
  17. unum illud tibi, nate dea, proque omnibus unum
  18. praedicam, et repetens iterumque iterumque monebo:
  19. Iunonis magnae primum prece numen adora;
  20. Iunoni cane vota libens, dominamque potentem