Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. una foret; venit medio vi pontus et undis
  2. Hesperium Siculo latus abscidit, arvaque et urbes
  3. litore diductas angusto interluit aestu.
  4. Dextrum Scylla latus, laevum implacata Charybdis
  5. obsidet, atque imo barathri ter gurgite vastos
  6. sorbet in abruptum fluctus, rursusque sub auras
  7. erigit alternos et sidera verberat unda.
  8. At Scyllam caecis cohibet spelunca latebris,
  9. ora exsertantem et navis in saxa trahentem.
  10. Prima hominis facies et pulchro pectore virgo
  11. pube tenus, postrema immani corpore pristis,
  12. delphinum caudas utero commissa luporum.
  13. Praestat Trinacrii metas lustrare Pachyni
  14. cessantem, longos et circumflectere cursus,
  15. quam semel informem vasto vidisse sub antro
  16. Scyllam, et caeruleis canibus resonantia saxa.
  17. Praeterea, si qua est Heleno prudentia, vati
  18. si qua fides, animum si veris implet Apollo,
  19. unum illud tibi, nate dea, proque omnibus unum
  20. praedicam, et repetens iterumque iterumque monebo: