Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. At sociis subita gelidus formidine sanguis
  2. deriguit; cecidere animi, nec iam amplius armis,
  3. sed votis precibusque iubent exposcere pacem,
  4. sive deae, seu sint dirae obscenaeque volucres.
  5. Et pater Anchises passis de litore palmis
  6. numina magna vocat, meritosque indicit honores:
  7. Di, prohibete minas; di, talem avertite casum,
  8. et placidi servate pios! Tum litore funem
  9. deripere, excussosque iubet laxare rudentes.
  10. Tendunt vela Noti; fugimus spumantibus undis,
  11. qua cursum ventusque gubernatorque vocabat.
  12. Iam medio adparet fluctu nemorosa Zacynthos
  13. Dulichiumque Sameque et Neritos ardua saxis.
  14. Effugimus scopulos Ithacae, Laertia regna,
  15. et terram altricem saevi exsecramur Ulixi.
  16. Mox et Leucatae nimbosa cacumina montis
  17. et formidatus nautis aperitur Apollo.
  18. Hunc petimus fessi et parvae succedimus urbi;
  19. ancora de prora iacitur, stant litore puppes.
  20. Ergo insperata tandem tellure potiti,