Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. imperiumque urbi dabimus: tu moenia magnis
  2. magna para, longumque fugae ne linque laborem.
  3. Mutandae sedes: non haec tibi litora suasit
  4. Delius, aut Cretae iussit considere Apollo.
  5. Est locus, Hesperiam Grai cognomine dicunt,
  6. terra antiqua, potens armis atque ubere glaebae;
  7. Oenotri coluere viri; nunc fama minores
  8. Italiam dixisse ducis de nomine gentem:
  9. hae nobis propriae sedes; hinc Dardanus ortus,
  10. Iasiusque pater, genus a quo principe nostrum.
  11. Surge age, et haec laetus longaevo dicta parenti
  12. haud dubitanda refer: Corythum terrasque requirat
  13. Ausonias; Dictaea negat tibi Iuppiter arva.
  14. Talibus attonitus visis et voce deorum—
  15. nec sopor illud erat, sed coram adgnoscere voltus
  16. velatasque comas praesentiaque ora videbar;
  17. tum gelidus toto manabat corpore sudor
  18. corripio e stratis corpus, tendoque supinas
  19. ad caelum cum voce manus, et munera libo
  20. intemerata focis. Perfecto laetus honore