Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. genua labant, gelidus concrevit frigore sanguis.
  2. Tum lapis ipse viri, vacuum per inane volutus,
  3. nec spatium evasit totum neque pertulit ictum.
  4. Ac velut in somnis, oculos ubi languida pressit
  5. nocte quies, nequiquam avidos extendere cursus
  6. velle videmur et in mediis conatibus aegri
  7. succidimus, non lingua valet, non corpore notae
  8. sufficiunt vires, nec vox aut verba sequuntur:
  9. sic Turno, quacumque viam virtute petivit,
  10. successum dea dira negat. Tum pectore sensus
  11. vertuntur varii. Rutulos aspectat et urbem
  12. cunctaturque metu letumque instare tremescit;