Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. At procul ut Dirae stridorem adgnovit et alas,
  2. infelix crinis scindit Iuturna solutos,
  3. unguibus ora soror foedans et pectora pugnis:
  4. Quid nunc te tua, Turne, potest germana iuvare?
  5. Aut quid iam durae superat mihi? Qua tibi lucem
  6. arte morer? Talin possum me opponere monstro?
  7. Iam iam linquo acies. Ne me terrete timentem,
  8. obscenae volucres: alarum verbera nosco
  9. letalemque sonum, nec fallunt iussa superba
  10. magnanimi Iovis. Haec pro virginitate reponit?
  11. Quo vitam dedit aeternam? Cur mortis ademptast
  12. condicio? Possem tantos finire dolores