Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. subiecit rubor et calefacta per ora cucurrit.
  2. Indum sanguineo veluti violaverit ostro
  3. siquis ebur, aut mixta rubent ubi lilia multa
  4. alba rosa: talis virgo dabat ore colores.
  5. Illum turbat amor, figitque in virgine voltus:
  6. ardet in arma magis paucisque adfatur Amatam.
  7. Ne, quaeso, ne me lacrimis neve omine tanto
  8. prosequere in duri certamina Martis euntem,
  9. O mater; neque enim Turno mora libera mortis.
  10. Nuntius haec Idmon Phrygio mea dicta tyranno
  11. haud placitura refer: cum primum crastina caelo
  12. puniceis invecta rotis Aurora rubebit,
  13. non Teucros agat in Rutulos, Teucrum arma quiescant
  14. et Rutuli; nostro dirimamus sanguine bellum,
  15. illo quaeratur coniunx Lavinia campo.
  16. Haec ubi dicta dedit rapidusque in tecta recessit.
  17. poscit equos gaudetque tuens ante ora frementis,
  18. Pilumno quos ipsa decus dedit Orithyia,
  19. qui candore nives anteirent, cursibus auras.
  20. Circumstant properi aurigae manibusque lacessunt