Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Parte alia media Eumedes in proelia fertur,
  2. antiqui proles bello praeclara Dolonis,
  3. nomine avum referens, animo manibusque parentem,
  4. qui quondam, castra ut Danaum speculator adiret,
  5. ausus Pelidae pretium sibi poscere currus;
  6. illum Tydides alio pro talibus ausis
  7. adfecit pretio, nec equis adspirat Achillis.
  8. Hunc procul ut campo Turnus prospexit aperto,
  9. ante levi iaculo longum per inane secutus
  10. sistit equos biiugis et curru desilit atque
  11. semianimi lapsoque supervenit et pede collo
  12. impresso dextrae mucronem extorquet et alto
  13. fulgentem tinguit iugulo atque haec insuper addit:
  14. En agros et quam bello, Troiane, petisti,
  15. Hesperiam metire iacens: haec praemia qui me
  16. ferro ausi temptare ferunt, sic moenia condunt.
  17. Huic comitem Asbyten coniecta cuspide mittit.
  18. Chloreaque Sybarimque Daretaque Thersilochumque
  19. et sternacis equi lapsum cervice Thymoeten.
  20. Ac velut Edoni Boreae cum spiritus alto