Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Haec mea magna fides! At non, Evandre, pudendis
  2. vulneribus pulsum adspicies nec sospite dirum
  3. optabis nato funus pater. Ei mihi, quantum
  4. praesidium Ausonia et quantum tu perdis, Iule!
  5. Haec ubi deflevit, tolli miserabile corpus
  6. imperat et toto lectos ex agmine mittit
  7. mille viros, qui supremum comitentur honorem
  8. intersintque patris lacrimis, solacia luctus
  9. exigua ingentis, misero sed debita patri.