Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Tantane me tenuit vivendi, nate, voluptas,
  2. ut pro me hostili paterer succedere dextrae,
  3. quem genui? Tuane haec genitor per volnera servor,
  4. morte tua vivens? Heu, nunc misero mihi demum
  5. exitium infelix, nunc alte volnus adactum!
  6. Idem ego, nate, tuum maculavi crimine nomen,
  7. pulsus ob invidiam solio sceptrisque paternis.
  8. Debueram patriae poenas odiisque meorum:
  9. omnis per mortis animam sontem ipse dedissem!