Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Conclamant socii laetum paeana secuti.
  2. Ille autem exspirans: Non me, quicumque es, inulto,
  3. victor, nec longum laetabere: te quoque fata
  4. prospectant paria atque eadem mox arva tenebis.
  5. Ad quae subridens mixta Mezentius ira:
  6. Nunc morere. Ast de me divom pater atque hominum rex
  7. viderit. Hoc dicens eduxit corpore telum:
  8. olli dura quies oculos et ferreus urget
  9. somnus, in aeternam clauduntur lumina noctem.