Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Ille velut rupes, vastum quae prodit in aequor,
  2. obvia ventorum furiis expostaque ponto,
  3. vim cunctam atque minas perfert caelique marisque,
  4. ipsa immota manens, prolem Dolichaonis Hebrum
  5. sternit humi, cum quo Latagum Palmumque fugacem,
  6. sed Latagum saxo atque ingenti fragmine montis
  7. occupat os faciemque adversam, poplite Palmum
  8. succiso volvi segnem sinit, armaque Lauso
  9. donat habere umeris et vertice figere cristas.