Georgics

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. immanemque rotam et non exsuperabile saxum.
  2. Interea Dryadum silvas saltusque sequamur
  3. intactos, tua, Maecenas, haud mollia iussa.
  4. Te sine nil altum mens incohat; en age segnis
  5. rumpe moras; vocat ingenti clamore Cithaeron
  6. Taygetique canes domitrixque Epidaurus equorum
  7. et vox adsensu nemorum ingeminata remugit.
  8. Mox tamen ardentis accingar dicere pugnas
  9. Caesaris et nomen fama tot ferre per annos,
  10. Tithoni prima quot abest ab origine Caesar.
  11. Seu quis Olympiacae miratus praemia palmae
  12. pascit equos seu quis fortis ad aratra iuvencos,
  13. corpora praecipue matrum legat. Optuma torvae
  14. forma bovis, cui turpe caput, cui plurima cervix,
  15. et crurum tenus a mento palearia pendent;
  16. tum longo nullus lateri modus; omnia magna,
  17. pes etiam; et camuris hirtae sub cornibus aures.
  18. Nec mihi displiceat maculis insignis et albo,
  19. aut iuga detractans interdumque aspera cornu
  20. et faciem tauro propior, quaeque ardua tota,