Georgics

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. speluncaeque tegant et saxea procubet umbra.
  2. Est lucos Silari circa ilicibusque; virentem
  3. plurimus Alburnum volitans, cui nomen asilo
  4. Romanum est, oestrum Grai vertere vocantes,
  5. asper, acerba sonans, quo tota exterrita silvis
  6. diffugiunt armenta; furit mugitibus aether
  7. concussus silvaeque et sicci ripa Tanagri.
  8. Hoc quondam monstro horribilis exercuit iras
  9. Inachiae Iuno pestem meditata iuvencae.
  10. Hunc quoque, nam mediis fervoribus acrior instat,
  11. arcebis gravido pecori, armentaque pasces
  12. sole recens orto aut noctem ducentibus astris.
  13. Post partum cura in vitulos traducitur omnis,
  14. continuoque notas et nomina gentis inurunt