Eclogues

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. lac mihi non aestate novum, non frigore defit;
  2. canto quae solitus, si quando armenta vocabat,
  3. Amphion Dircaeus in Actaeo Aracimtho.
  4. Nec sum adeo informis: nuper me in litore vidi,
  5. cum placidum ventis staret mare; non ego Daphnim
  6. iudice te metuam, si numquam fallit imago.
  7. O tantum libeat mecum tibi sordida rura
  8. atque humilis habitare casas, et figere cervos,
  9. haedorumque gregem viridi compellere hibisco!
  10. Mecum una in silvis imitabere Pana canendo.
  11. Pan primus calamos cera coniungere pluris
  12. instituit; Pan curat ovis oviumque magistros.
  13. Nec te paeniteat calamo trivisse labellum: