Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. uel paruum Aetnaeae corpus committere flammae.
  2. Sum quodcumque, tuum est. Nostri si paruula cura
  3. sit tibi, quanta libet, si sit modo, non mihi regna
  4. Lydia, non magni potior sit fama Gylippi,
  5. posse Meleteas nec mallem uincere chartas.
  6. Quod tibi si uersus noster, totusue minusue,
  7. uel bene sit notus, summo uel inerret in ore,
  8. nulla mihi statuunt finem te fata canendi.
  9. Quin etiam mea tunc tumulus cum texerit ossa,
  10. seu matura dies celerem properat mihi mortem,