Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. cui fuerant flaui ditantes ordine sulci
  2. horrea fecundas ad deficientia messis,
  3. cuique pecus denso pascebant agmine colles,
  4. et domino satis et nimium furique lupoque,
  5. nunc desiderium superest: nam cura nouatur,
  6. cum memor ante actos semper dolor admonet annos.
  7. Sed licet asperiora cadant spolierque relictis,
  8. non te deficient nostrae memorare camenae.
  9. Nec solum tibi Pierii tribuentur honores:
  10. pro te uel rapidas ausim maris ire per undas,
  11. aduersis hiberna licet tumeant freta uentis,
  12. pro te uel densis solus subsistere turmis
  13. uel paruum Aetnaeae corpus committere flammae.
  14. Sum quodcumque, tuum est. Nostri si paruula cura
  15. sit tibi, quanta libet, si sit modo, non mihi regna
  16. Lydia, non magni potior sit fama Gylippi,
  17. posse Meleteas nec mallem uincere chartas.
  18. Quod tibi si uersus noster, totusue minusue,