Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. testis Arupinis et pauper natus in aruis,
  2. quem si quis uideat uetus ut non fregerit aetas,
  3. terna minus Pyliae miretur saecula famae:
  4. namque senex longae peragit dum tempora uitae,
  5. centum fecundos Titan renouauerit annos,
  6. ipse tamen uelox celerem super edere corpus
  7. audet equum ualidisque sedet moderator habenis.
  8. Te duce non alias conuersus terga Domator
  9. libera Romanae subiecit colla catenae.
  10. Nec tamen his contentus eris: maiora peractis
  11. instant, compertum est ueracibus ut mihi signis,
  12. quis Amythaonius nequeat certare Melampus.
  13. Nam modo fulgentem Tyrio subtegmine uestem
  14. indueras oriente die duce fertilis anni,
  15. splendidior liquidis cum Sol caput extulit undis
  16. et fera discordes tenuerunt flamina uenti,
  17. curua nec adsuetos egerunt flumina cursus,
  18. quin rapidum placidis etiam mare constitit undis,
  19. ulla nec aerias uolucris perlabitur auras
  20. nec quadrupes densas depascitur aspera siluas,