Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. sic cecinit pro te doctus, Minoi, Catullus
  2. ingrati referens impia facta uiri.
  3. Vos ego nunc moneo: felix, quicumque dolore
  4. alterius disces posse cauere tuos.
  5. Nec uos aut capiant pendentia bracchia collo
  6. aut fallat blanda sordida lingua fide;
  7. etsi perque suos fallax iurauit ocellos
  8. Iononemque suam perque suam Venerem,
  9. nulla fides inerit: periuria ridet amantum
  10. Iuppiter et uentos inrita ferre iubet.