Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. at mihi fatorum leges aeuisque futuri
  2. euentura pater posse uidere dedit;
  3. quare ego quae dico non fallax accipe uates
  4. quodque deus uero Cynthius ore feram.
  5. Tantum cara tibi quantum nec filia matri,
  6. quantum nec cupido bella puella uiro,
  7. pro qua sollicitas caelestia numina uotis,
  8. quae tibi securos non sinit ire dies
  9. et, cum te fusco Somnus uelauit amictu,
  10. uanum nocturnis fallit imaginibus,
  11. carminibus celebrata tuis formosa Neaera
  12. alterius mauultl esse puella uiri,
  13. diuersasque suas agitat mens impia curas,
  14. nec gaudet casta nupta Neaera domo.