Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. Inuisus natalis adest, qui rure molesto
  2. et sine Cerintho tristis agendus erit.
  3. Dulcius urbe quid est? An uilla sit apta puellae
  4. atque Arretino frigidus amnis agro?
  5. Iam, nimium Messalla mei studiose, quiescas;
  6. non tempestiuae saepe, propinque, uiae.
  7. Hic animum sensusque meos abducta relinquo
  8. arbitrio, quamuis non sinis esse, meo.