Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. cum bene iuraui, pes tamen ipse redit.
  2. acer Amor, fractas utinam tua tela sagittas,
  3. si licet, extinctas aspiciamque faces!
  4. tu miserum torques, tu me mihi dira precari
  5. cogis et insana mente nefanda loqui.
  6. iam mala finissem leto, sed credula uitam
  7. spes fouet et fore cras semper ait melius.
  8. spes alit agricolas, spes sulcis credit aratis
  9. semina quae magno faenore reddat ager:
  10. haec laqueo uolucres, haec captat harundine pisces,