Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. Parcite, caelestes: aequum est inpune licere
  2. Numina formosis laedere vestra semel.
  3. Lucra petens habili tauros adiungit aratro
  4. Et durum terrae rusticus urget opus,
  5. Lucra petituras freta per parentia ventis
  6. Ducunt instabiles sidera certa rates:
  7. Muneribus meus est captus puer, at deus illa
  8. In cunerem et liquidas munera vertat aquas.
  9. Iam mihi persolvet poenas, pulvisque decorem
  10. Detrahet et ventis horrida facta coma;
  11. Uretur facies, urentur sole capilli,
  12. Deteret invalidos et via longa pedes.
  13. Admonui quotiens ‘auro ne pollue formam:
  14. Saepe solent auro multa subesse mala.