Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. Non ego laudari curo, mea Delia; tecum
  2. Dum modo sim, quaeso segnis inersque vocer.
  3. Te spectem, suprema mihi cum venerit hora,
  4. Te teneam moriens deficiente manu.
  5. Flebis et arsuro positum me, Delia, lecto,
  6. Tristibus et lacrimis oscula mixta dabis.
  7. Flebis: non tua sunt duro praecordia ferro
  8. Vincta, neque in tenero stat tibi corde silex.
  9. Illo non iuvenis poterit de funere quisquam
  10. Lumina, non virgo, sicca referre domum.
  11. Tu manes ne laede meos, sed parce solutis
  12. Crinibus et teneris, Delia, parce genis.
  13. Interea, dum fata sinunt, iungamus amores:
  14. Iam veniet tenebris Mors adoperta caput,