Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. haec nullis umquam pateat ueneranda puellis,
  2. Herculis eximii ne sit inulta sitis.’
  3. Sancte pater salue, cui iam fauet aspera Iuno:
  4. Sancte, velis libro dexter inesse meo.
  5. huic, quoniam manibus purgatum sanxerat orbem,
  6. sic Sanctum Tatiae composuere Cures.
  1. nunc Iouis incipiam causas aperire Feretri
  2. armaque de ducibus trina recepta tribus.
  3. magnum iter ascendo, sed dat mihi gloria uires:
  4. non iuuat e facili lecta corona iugo.
  5. imbuis exemplum primae tu, Romule, palmae
  6. huius, et exuuio plenus ab hoste redis,