Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. mollis et hirsutum cepit mihi fascia pectus,
  2. et manibus duris apta puella fui.’
  3. talibus Alcides; at talibus alma sacerdos
  4. puniceo canas stamine uincta comas:
  5. ‘parce oculis, hospes, lucoque abscede uerendo;
  6. cede agedum et tuta limina linque fuga.
  7. interdicta uiris metuenda lege piatur
  8. quae se summota uindicat ara casa.