Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quis facta Herculeae non audit fortia clauae
  2. et numquam ad uastas irrita tela feras,
  3. atque uni Stygias homini luxisse tenebras?
  4. accipit: haec fesso uix mihi terra patet.
  5. quodsi Iunoni sacrum faceretis amarae,
  6. non clausisset aquas ipsa nouerca suas.
  7. sin aliquem uultusque meus saetaeque leonis
  8. terrent et Libyco sole perusta coma,
  9. idem ego Sidonia feci seruilia palla
  10. officia et Lydo pensa diurna colo,
  11. mollis et hirsutum cepit mihi fascia pectus,
  12. et manibus duris apta puella fui.’