Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ‘uos precor, o luci sacro quae luditis antro,
  2. pandite defessis hospita fana uiris.
  3. fontis egens erro circaque sonantia lymphis;
  4. et caua succepto flumine palma sat est.
  5. audistisne aliquem, tergo qui sustulit orbem?
  6. ille ego sum: Alciden terra recepta uocat.
  7. quis facta Herculeae non audit fortia clauae
  8. et numquam ad uastas irrita tela feras,
  9. atque uni Stygias homini luxisse tenebras?
  10. accipit: haec fesso uix mihi terra patet.
  11. quodsi Iunoni sacrum faceretis amarae,
  12. non clausisset aquas ipsa nouerca suas.