Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. femineae loca clausa deae fontesque piandos
  2. impune et nullis sacra retecta uiris.
  3. deuia puniceae uelabant limina uittae,
  4. putris odorato luxerat igne casa,
  5. populus et longis ornabat frondibus aedem,
  6. multaque cantantis umbra tegebat auis.
  7. huc ruit in siccam congesta puluere barbam,
  8. et iacit ante fores uerba minora deo: