Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. unus erat tribus in secreta lectulus herba.
  2. quaeris concubitus? inter utramque fui.
  3. Lygdamus ad cyathos, uitrique aestiua supellex
  4. et Methymnaei Graeca saliua meri.
  5. Nile, tuus tibicen erat, crotalistria phillis,
  6. haec facilis spargi munda sine arte rosa,
  7. nanus et ipse suos breuiter concretus in artus
  8. iactabat truncas ad caua buxa manus.