Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. his ego constitui noctem lenire uocatis,
  2. et Venere ignota furta nouare mea.
  3. unus erat tribus in secreta lectulus herba.
  4. quaeris concubitus? inter utramque fui.
  5. Lygdamus ad cyathos, uitrique aestiua supellex
  6. et Methymnaei Graeca saliua meri.
  7. Nile, tuus tibicen erat, crotalistria phillis,
  8. haec facilis spargi munda sine arte rosa,