Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. cum fieret nostro totiens iniuria lecto,
  2. mutato uolui castra mouere toro.
  3. Phyllis Auentinae quaedam est uicina Dianae,
  4. sobria grata parum: cum bibit, omne decet.
  5. altera Tarpeios est inter Teia lucos,
  6. candida, sed potae non satis unus erit.
  7. his ego constitui noctem lenire uocatis,
  8. et Venere ignota furta nouare mea.