Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ‘hic Tiburtina iacet aurea Cynthia terra:
  2. accessit ripae laus, Aniene, tuae.’
  3. nec tu sperne piis uenientia somnia portis:
  4. cum pia uenerunt somnia, pondus habent.
  5. nocte uagae ferimur, nox clausas liberat umbras,
  6. errat et abiecta Cerberus ipse sera.
  7. luce iubent leges Lethaea ad stagna reuerti:
  8. nos uehimur, uectum nauta recenset onus.
  9. nunc te possideant aliae: mox sola tenebo:
  10. mecum eris, et mixtis ossibus ossa teram.’
  11. haec postquam querula mecum sub lite peregit,
  12. inter conplexus excidit umbra meos.