Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. narrat Hypermestre magnum ausas esse sorores,
  2. in scelus hoc animum non ualuisse suum.
  3. sic mortis lacrimis uitae sancimus amores:
  4. celo ego perfidiae crimina multa tuae.
  5. sed tibi nunc mandata damus, si forte moueris,
  6. si te non totum Chloridos herba tenet:
  7. nutrix in tremulis ne quid desideret annis
  8. Parthenie: potuit, nec tibi auara fuit.
  9. deliciaeque meae Latris, cui nomen ab usu est,
  10. ne speculum dominae porrigat illa nouae.
  11. et quoscumque meo fecisti nomine uersus,
  12. ure mihi: laudes desine habere meas.